«Чарнобыльскі шлях — 2013» дазволены са сцягамі і транспарантамі
19 красавіка адбылася сустрэча заяўнікаў шэсця з гарадскімі ўладамі.
Паводле словаў аднаго з заяўнікаў Анатоля Сідарэвіча, пачатак перанеслі на 18:30 26 красавіка — гэта выклікана інтэнсіўным рухам а 18-й.Адпаведна шэсце і мітынг ссоўваюцца на паўгадзіны. «У светлавы дзень укладземся», — адзначыў Сідарэвіч.
«Сімволіку дазволілі. Папрасілі, каб расцяжкі адпавядалі заяўленай тэматыцы. Далі зразумець, што не пацерпяць расцяжак супраць пэўнай асобы і яе палітыкі».
Па словах Сідарэвіча, можна выкарыстоўвацьзарэгістраваных сцягоў партый і арганізацый.
Арганізатарам параілі мець адпаведныя бэджы.
А падход з месца мітынгу да Чарнобыльскай капліцы на Карастаянава — толькі па 50 чалавек са згорнутымі сцягамі і траспарантамі.
Заяўнікі падпісаліся, што нясуць адказнасць за магчымыя парушэнні.
«Я папрасіў, каб не было правакатараў — курсантаў акадэміі МУС і міліцэйскай школы. Бо здаралася, што маладыя людзі выбягалі на дарогу (а я ведаю, што гэта курсанты), а мяне пасля штрафавалі»,
— сказаў Сідарэвіч.
Паласу на праезнай частцы ад кінатэатра «Кастрычнік» да парку Дружбы народаў не выдзелілі: таксама патлумачылі транспартнай напругай. Дазволілі гукаўзмацняльную апаратуру, але ніхто не ўзяўся гарантаваць, што яе не затрымаюць па дарозе да месца мітынгу. «Міліцыя зрабіла выгляд, што яны тут ні пры чым».
З арганізатараў «Чарнобыльскага шляху» выключылі прадстаўніка АГП Змітра Кавалгіна. У Мінгарвыканкаме патлумачылі тым, што не прайшоў год пасля накладзенага на яго адміністрацыйнага спагнання. Сам Віталь пра такое спагнанне даведаўся толькі сёння і пра ніякі суд не ведае.
«Чарнобыльскі шлях-2013» пачнецца ад кінатэатра «Кастрычнік» насупраць Акадэміі навук. Збор прызначаны на 18.30.Шэсце пройдзе па вуліцы Сурганава да парку Дружбы народаў, дзе адбудзецца мітынг. Затым пройдзе ўскладанне кветак да Чарнобыльскай капліцы.
Каментары