Прэзідэнт Расіі Уладзімір Пуцін пракаментаваў крымінальныя справы супраць апазіцыянера Аляксея Навальнага, заявіўшы, што барацьбіты з карупцыяй павінны самі быць крыштальна чыстымі.
«Людзі, якія змагаюцца з карупцыяй, самі павінны быць крыштальна чыстымі, інакш усё гэта набывае форму самапіяру і палітычнай рэкламы, — сказаў Пуцін. — І ні ў каго не павінна быць ілюзій: калі хтосьці гучна крычыць «трымай злодзея», то гэта не значыць, што яму самому дазволена красці».
Расійскі прэзідэнт сцвярджае, што звярнуў увагу Генеральнай пракуратуры і іншых праваахоўных органаў на неабходнасць аб'ектыўнага разгляду рэзанансных спраў.
«Калі чалавек мае нейкія погляды, адрозныя ад дзейных уладаў, гэта не азначае, што трэба шукаць любую нагоду, каб цягнуць яго ў суд або потым у турму», — адзначыў Пуцін.
Супраць Навальнага распачаты тры крымінальныя справы. У Кіраве цяпер разглядаецца справа аб крадзяжы 16 млн расійскіх рублёў (500 тыс. даляраў) на прадпрыемстве «Кіраўлес». Усе гэтыя справы Навальны называе палітычна матываванымі.
«Выйграў спрэчку ў Яшына [апазіцыянер Ілля Яшын] і практычна даслоўна прадказаў, што Пуцін адкажа на пытанне аб «справе Навальнага», — напісаў Навальны у Twitter пасля заявы Пуціна.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі37
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары