Абмежаванне прыросту крэдытавання эканомікі да 19% у 2013 годзе стане кантрольным паказчыкам пры прыняцці рашэння аб прадастаўленні Беларусі шостай траншы стабілізацыйнага крэдыту Антыкрызіснага фонду (АКФ) ЕўрАзЭС. Пра гэта паведамляе агенцтва «Інтэрфакс» са спасылкай на словы намесніка старшыні праўлення Еўразійскага банка развіцця (ЕАБР, кіруе сродкамі АКФ) Сяргея Шаталава.
Паводле Шаталава, гэтае абмежаванне тэмпаў прыросту крэдытавання эканомікі ўжо узгодненае, прычым яго прапанаваў беларускі бок.
Напампоўванне эканомікі грашыма спрыяе эканамічнаму росту, але выклікае інфляцыю. Дагэтуль Беларусь прытрымлівалася курсу на інфляцыйны рост. У 2011 годзе прырост крэдытавання эканомікі Беларусі склаў 40%, у 2012 годзе — звыш 30%. Гэта давала большыя, чым у суседніх краінах, тэмпы росту ВУП, але і інфляцыя ў Беларусі была ўсе апошнія гады найвышэйшай у Еўропе, а нацыянальная валюта зняцэньвалася.
Абмежаванне крэдытавання можа прывесці да запавольвання тэмпаў росту.
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары