Генеральны сакратар Рады Еўропы Турб’ёрн Ягланд разлічвае, што Беларусь далучыцца да РЕ і ратыфікуе Еўрапейскую канвенцыю па правах чалавека. Пра гэта ён заявіў на пашыраным пасяджэнні камітэта расійскай Дзярждумы па міжнародных справах 21 мая.
«Перамогай для ўсёй Еўропы з’яўляецца наяўнасць канвенцыі, наяўнасць сістэмы абароны правоў чалавека, якая распаўсюджваецца на 47 краін і, я спадзяюся, будзе распаўсюджвацца ў будучыні і на Беларусь», — цытуе Ягланда інфармагенцтва Регнум.
Паводле яго слоў, «ёсць дамоўленасць аб тым, што Еўрапейскі саюз у цэлым далучаецца да Еўрапейскай канвенцыі па правах чалавека, і ён таксама будзе знаходзіцца пад дзеяннем таго ж суда, як і ўсе еўрапейскія краіны».
Нагадаем, Беларусь — адзіная еўрапейская краіна, якая не ўваходзіць у Раду Еўропы. Асноўнай перашкодай для ўваходжання з’яўляецца наяўнасць у краіне смяротнай кары. У 1993 годзе беларускі парламент атрымаў статус спецыяльнага запрошанага ў Парламенцкай асамблеі Рады Еўропы (ПАРЕ), але ўжо ў
У чэрвені 2009 года ПАРЕ прыняла рэзалюцыю аб вяртанні Беларусі статуса спецзапрошанага пры ўмове адмены смяротнай кары або ўвядзення мараторыя на яе. Аднак ужо ў наступным годзе ў Беларусі адбыліся новыя пакаранні, пасля чаго ПАРЕ афіцыйна рэкамендавала сваім членам не наведваць краіну. Пасля расстрэлу ў 2012 годзе Дзмітрыя Канавалава і Уладзіслава Кавалёва, абвінавачаных ва ўчыненні тэракта ў мінскім метро, генсакратар ПАРЕ Турб’ёрн Ягланд заявіў: «Наяўнасць у Беларусі смяротнай кары не дазваляе ёй мець нейкі статус у рамках Рады Еўропы».
Каментары