У Беларусі хочуць будаваць гарызантальную версію шматпавярховікаў-«свечак»
Дамоў М111-90, або так званых «свечак», апошнім часам у Мінску з'явілася нямала. Але цяпер прадпрыемства «МАПІД» збіраецца ўнесці ў гэты працэс інавацыі, паведаміў у інтэрв'ю выданню «На стройках Минска» яго дырэктар Леанід Астрэйка.
Гаворка ідзе пра шматпавярховыя дамы серыі М111-90, якія ўжо даўно з’явіліся ў беларускіх гарадах і сталі звыклымі для жыхароў. Аднак забудоўшчык плануе паступова адмовіцца ад традыцыйных «панэлек» з-за зменаў на рынку жылля.
«Кан’юнктура рынку такая, што дамы ў 19 паверхаў мы можам будаваць толькі ў Мінску, і пляцоўкі абмежаваныя. У гарадах-спадарожніках рэалізуюцца праекты да 7‑8 паверхаў. Таму мы даўно шукаем магчымасць замены вышынных будынкаў, прапрацоўваем варыянт гарызантальнага размяшчэння серыі М111-90», — сказаў Астрэйка.
Пакуль невядома, як менавіта будуць выглядаць новыя гарызантальныя «свечкі» і ці плануюць распаўсюдзіць такую практыку на абласныя цэнтры. Але Астрэйка паведаміў, што ўжо цяпер у серыі М 111‑90 «МАПІД» адмовіўся ад так званага тэхнічнага паверха.
Дакладныя тэрміны рэалізацыі праекта таксама не агучваюцца, аднак забудоўшчык спадзяецца прыступіць да будаўніцтва эксперыментальнага дома напрыканцы 2026 года.
На месцы прамысловай зоны на вуліцы Гурскага ў Мінску з’явіцца квартал панэлек
Завяршаецца будоўля на Валгаградскай. Як там усё выглядае цяпер
«Казахстанскі квартал» і новабудоўлі ў Чыжоўцы, Масюкоўшчыне, Лошыцы. Як будзе забудоўвацца Мінск
У Мінску скончыліся вольныя месцы для новабудоўляў
Школы, садкі і слупкі дамоў. Што новага чакае Каменную Горку?
Каментары
Зараз, як бачым, кіраўніцтва мапіда змянілася, праекціроўшчыкі сышлі хто куды. Можна ізноў на тыя ж граблі 🤦🏼♂️