«Медыя-Палессе»: Хутчэй за ўсё, затрыманы старшыня Столінскага райвыканкама
Па інфармацыі некалькіх крыніц выдання «Медыя-Палессе» з Лунінецкага і Столінскага рэгіёнаў, старшыня Столінскага райвыканкама Аляксандр Пачко быў затрыманы на тэрыторыі мікашэвіцкага прафілакторыя «Світанак». Ці адпачываў ён там, ці знаходзіўся па іншых справах — пакуль не паведамляецца.
Аляксандр Пачко нібыта падазраецца ў атрыманні хабару. Затрыманага этапавалі з Мікашэвічаў у Гомель.
На сайце Столінскага райвыканкама ў раздзеле «Кіраўніцтва» Аляксандр Пачко па-ранейшаму пазначаны як старшыня, а кантактны тэлефон, пазначаны на сайце, не адказвае. У тэлеграм-канале райвыканкама навінаў з удзелам кіраўніка не было з 29 студзеня, хоць раней ён з’яўляўся рэгулярна.
Па звестках «Медыя-Палессе», 9 лютага пасяджэнне райвыканкама праходзіла пад старшынствам першага намесніка старшыні Васіля Літвінкевіча. Таксама і 16 лютага пашыранае апаратнае пасяджэнне адбывалася пад яго кіраўніцтвам.
Ураджэнец вёскі Белавуша на Століншчыне Аляксандр Пачко стаў старшынёй Столінскага райвыканкама 17 красавіка 2025 года, вярнуўшыся на радзіму пасля 10 гадоў работы старшынёй Лунінецкага і Кобрынскага райвыканкамаў. Кіраўніком ён лічыўся неблагім: падчас яго працы ў Лунінецкім раёне паказчыкі развіцця павялічыліся амаль удвая, а ў Кобрынскім таксама дасягнутыя станоўчыя вынікі.
У дзень яго прызначэння старшынём Столінскага райвыканкама аналагічную пасаду ў Драгічынскім раёне атрымаў і ягоны брат Сяргей. Пра братоў-кіраўнікоў зрабілі вялікі сюжэт на БТ.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары
Удвая ад чаго? Ад даваеннагага узроуню?
Ад раства Хрыстова??)
Гэтыя маладыя брсмау́цы нічога не ведаюць, не жадаюць ведаць і не беларускія ад слова "зусім"!
Катэджы, бумеры, палюбоу́ніцы...