У выніку моцнай залевы 28 мая ў Віцебску быў затоплены шэраг цэнтральных вуліц. За некалькі гадзін у горадзе выпала 35 мм ападкаў, што складае 61% ад месячнай нормы.
Усяго ж за 28 дзён месяца ў Віцебску выпала 95 мм, ці 184% ад месячнай нормы. За апошні тыдзень узровень вады ў Дзвіне падняўся на 122 см і дасягнуў 363 см адносна нулявой адзнакі.
Ліўневая каналізацыя не змагла справіцца з патокам вады. У выніку былі часткова падтопленыя вуліца Леніна, праспекты Фрунзе, Маскоўскі, Пераможцаў, Чарняхоўскага.З перабоямі працаваў грамадскі транспарт, адчувалі цяжкасці ў руху легкавыя аўтамабілі.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1616
Каментары