Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы
Бабруйскі актывіст сканаў у шэлтары ў Беластоку, куды яго адпусцілі са шпіталя чакаць суда.
Як стала вядома «Нашай Ніве», памёр Уладзімір Усер. Апошнім часам ён жыў у шэлтары Caritas у Беластоку. У былога бабруйскага актывіста спынілася сэрца. Усеру было 69 гадоў.
Уладзімір апошнім часам быў пад следствам па справе аб шпіянажы ў Польшчы. Паводле звестак польскай пракуратуры, трое беларусаў і двое ўкраінцаў з сакавіка 2024 года да лютага 2025‑га супрацоўнічалі з замежнай разведкай і выконвалі розныя заданні, якія атрымлівалі з паведамленняў у тэлеграме.
У іх задачы ўваходзіла фатаграфаванне аб'ектаў крытычнай інфраструктуры і месцаў, важных для бяспекі дзяржавы. Акрамя таго, яны павінны былі развешваць плакаты і маляваць графіці.
Па гэтай справе затрымалі і Усера. Але сілавікі пакінулі яго ў шпіталі праз дрэнны стан здароўя. Суда ён чакаў на волі.
Яшчэ раней Усер уляпаўся ў прапагандысцкі фільм БТ. Ён зняў некалькі сюжэтаў у Беластоку, якія потым выкарысталі ў агітцы «Чужое неба».
Памятаеце немаладога актывіста, які па дурасці зняўся ў прапагандысцкім кіно БТ? У Польшчы ён уляпаўся яшчэ і ў шпіянаж
У Польшчы затрымалі за шпіянаж трох беларусаў і двух украінцаў
«Мне сорамна, але я нават не памятаю». Сталі вядомыя новыя падрабязнасці з працэсу здымак эмігрантаў для кіно на БТ
На БТ зрабілі фільм пра тое, як беларусы ледзь выжываюць у Еўропе. Каб запісаць відэа, герояў жорстка падманулі
У затрыманага ў Польшчы таксіста-шпіёна знайшлі спіс беларусаў, за якімі ён меў заданне сачыць
Каментары
Колькі так лёсаў змарнавана тымі, хто атрымліваюць заробкі за тое, каб дапамагаць людзям, а насамрэч бавіць час у адвечных адпачынках на Мальтах і Тэнэрыфах. Каб вам вярнулася гэтае людзкое гора тузінам!!!