Урачыстасьці, прысьвечаныя 600‑годдзьзю храму‑крэпасьці Сьвятога Архангела Міхаіла, прайшлі 29 жніўня ў вёсцы Сынкавічы Зэльвенскага раёну Гарадзенскай вобласьці.
Урачыстасці, прысвечаныя 600‑годдзю храма‑крэпасці Святога Архангела Міхаіла, прайшлі 29 жніўня ў вёсцы Сынкавічы Зэльвенскага раёна Гродзенскй вобласці.
Як паведаміў БелаПАН настаяцель царквы, протаіерэй Арсень (Ананка), праграма свята ўключала боскую літургію, урачысты канцэрт харавых песнапенняў і святочную трапезу.
Паводле слоў святара, спецыфічныя рысы архітэктуры храма не маюць аналагаў у свеце. «Гэты шэдэўр архітэктуры Беларусі з’яўляецца тым помнікам, у якім мастацкія плыні Захаду (готыка) і Усходу (традыцыі візантыйскай архітэктуры) злітыя ў адзіны сінтэтычны ансамбль, — зазначыў настаяцель. — Масіўныя, таўшчынёй у паўтара метра сцены, вежы, памяшканне пад скляпеннем з байніцамі збліжаюць збудаванне з невялікім замкам. Яго план нагадвае абрысы старажытных візантыйска‑рускіх цэркваў. Неглыбокія, разнастайныя па форме і памерах нішы ў шчыце франтона нагадваюць нішы Мірскага замка».
Паводле слоў протаіерэя, байніцы царквы перадусім служылі ў мэтах абароны. Усе ярусы байніц надавалі будынку суровы выгляд, аднак яны былі немалаважным элементам і сродкам упрыгожвання сцен. Згодна з легендай гісторыя храма звязана з імем яго мецэната, вялікага князя Вялікага княства Літоўскага Вітаўта, зазначыў святар.
«Цяпер храм патрабуе капітальнага рамонту і рэстаўрацыі, патрэбна набажэнская літаратура і царкоўнае начыненне, абразы, паколькі ў недалёкім мінулым храм выкарыстоўваўся як сховішча для гародніны, а ўся маёмасць святыні была знішчана», — сказаў айцец Арсеній.
Ад імя царкоўнага савета і прыхажан настаяцель просіць грамадскасць «унесці пасільную лепту і часцінку свайго сэрца для захавання помніка сярэднявечнага дойлідства».
Каментары