Міністр замежных спраў Беларусі Уладзімір Макей 10 ліпеня наведае з візітам Маскву. Аб гэтым паведаміў сёння журналістам афіцыйны прадстаўнік МЗС Расіі Аляксандр Лукашэвіч.
У час перагавораў з міністрам замежных спраў Расіі Сяргеем Лаўровым будзе разглядацца комплекс двухбаковых і міжнародных пытанняў, адзначыў Аляксандр Лукашэвіч. У прыватнасці, у цэнтры ўвагі будуць інтэграцыйныя працэсы, а таксама падрыхтоўка да намечанага на лістапад пасяджэння сумеснай калегіі знешнепалітычных ведамстваў дзвюх краін.
Каментары