З 13 кастрычніка каляндар чучхэ, летазлічэнне ў ім вядзецца ад нараджэння заснавальніка цяперашняга паўночнага рэжыму Кім Ір Сэна (1912-1994) не выкарыстоўвае галоўная газета КНДР «Надон сінмун». Акрамя таго, ён не выкарыстоўваўся ў заяве Кім Е Чжон — уплывовай сястры Кім Чэн Ына, выпушчанай 12 кастрычніка, піша «Медуза» на падставе паведамлення паўднёвакарэйскага агенцтва «Ронхап».
«Верагодна, гэта частка намаганняў Кім Чэн Ына па стварэнні свайго ўласнага культу асобы», — заявілі «Ронхап» у Міністэрстве аб'яднання Паўднёвай Карэі.
Каляндар чучхэ быў афіцыйна прыняты ў Паўночнай Карэі ў 1997 годзе, праз тры гады пасля смерці заснавальніка КНДР Кім Ір Сэна. Ён выкарыстоўваўся разам з грыгарыянскім календаром, які прымяняе большасць краін свету.
Першым годам у календары чучхэ лічыцца 1912-ы — год нараджэння Кім Ір Сэна.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары