Беларуская блогерка прадае бутэлькі колы па 100 рублёў і не толькі. За дзень яна зарабіла больш, чым некаторыя за паўгода
Блогерка з Мінска Алена Кардон-Мелавацкая вырашыла правесці чэлендж: выставіць на суткі розныя лоты і паглядзець, колькі атрымаецца на гэтым зарабіць. Ёсць незвычайныя прапановы.
У Алены Кардон-Мелавацкай 140 тысяч падпісчыкаў у інстаграме. Раней яна пазіцыянавала сябе як сэкс-коўч, цяпер жа навучае іншых экспертаў, як весці сацыяльныя сеткі.
Апроч прапаноў замовіць у яе блогу рэкламу, ёсць і небанальныя лоты. Напрыклад, Алена гатовая прадаць пяць «зараджаных на пахуданне» бутэлек колы па 100 рублёў за штуку — абяцае асабіста прывезці напой. Таксама за 100 рублёў блогерка можа стаць вашай таксісткай і на сваім «Фордзе» давезці з пункта А ў пункт Б (актуальна толькі для сталіцы). У кошт уваходзіць размова падчас паездкі. Такіх лотаў выстаўлена тры.
Правесці дзень у кампаніі Алены каштуе 2700 рублёў — у гэты час яна абяцае не толькі правесці кансультацыю і разабраць ваш блог, але і забяспечыць забаўляльную праграму.
А самы дарагі лот каштуе ажно 10 тысяч рублёў. За гэтыя грошы блогерка абяцае кожны дзень цягам месяца сваю першую сторыс прысвячаць рэкламе блога, тавару ці паслугі чалавека, які набыў падпіску.
За першыя 7 гадзін у Алены Кардон-Мелавацкай атрымалася зарабіць 21 тысячу 930 рублёў. Падпісчыкі набылі, сярод іншага, і самы дарагі лот, а таксама 3 бутэлькі колы.
Дарэчы, гэта не першы раз, калі папулярныя беларускія блогеркі прадаюць нешта незвычайнае. Напрыклад, блогерка Іра Місмо (210 тысяч падпісчыкаў у інстаграме) сёлета змагла прадаць падпісчыкам свае фотаздымкі з новым хлопцам.
Хочешь научиться продавать, что угодно? Пиши «контент» в инст, пришлю гайд
У сваіх сацсетках Місмо распавяла, што пасля таго, як людзі зразумелі, што ў яе з’явіўся новых хлопец, яны пачалі цікавіцца яго асобай. Дасведчаная блогерка вырашыла не паказваць яго задарма (бо хто ж ведае, калі зноў такая інфанагода будзе). Таму ў Дзень святога Валянціна яна прапанавала ўсім ахвотных набыць сумесныя фота закаханых. Кошт быў невялікі — 15 рублёў. Але ў выніку за суткі здымкі купіў 421 чалавек. Блогерка пахвалілася, што зарабіла на гэтым 6315 рублёў.
Беларуская блогерка паказала, які жах можа адбывацца з вуснамі, калі хочаш іх павялічыць — а потым паменшыць
«У Беларусі абышлося б даражэй». Блогерка адсвяткавала вяселле на Паўночным Кіпры і распавяла, колькі гэта каштуе
«Сэксолаг — гэта сяброўка, у якой не сорамна спытацца, што такое аргазм»
Пара хоча сабраць 10 тысяч даляраў з падпісчыкаў у інстаграме на вяселле мары
Каментары
2. Распавяла інсталахам, што ўсё насамрэч так і было.
3. профіт.