Сваякі дзяўчатаў кажуць, што абедзьвюх выпішуць з апёкавага цэнтру праз 2 тыдні. Пасьля гэтага Ганна і Паліна будуць праходзіць рэабілітацыі ў мэдычным цэнтры ў Аксакаўшчыне.
Ганна і Паліна, якія атрымалі апёкі 1-3 ступеняў 6 ліпеня падчас святкавання Купалля ў сядзібе мастака Алеся Пушкіна, ужо больш за месяц лекуюцца ў Рэспубліканскім апёкавым цэнтры.
12-гадовая Ганна перанесла аперацыю па перасадцы скуры са сцягна на руку. Маці дзяўчынкі Вольга, якая таксама атрымала апёкі, ужо выпісалася з апёкавага цэнтрау і выйшла на працу.
22-гадовая Паліна абышлася без перасадкі скуры, аднак у яе аніяк не загойваецца апёк на ключыцы.
«У апёкавым цэнтры ляжыць вельмі шмат дзяцеў з усёй Беларусі. Я размаўляў з прафесарам, якая рабіла аперацыю па перасадцы скуры Ганне, дык тая сказала, што Ганна была самай цяжкай пацыенткай. Вельмі моцныя апёкі ў яе былі на спіне і руках», — заявіў Алесь Пушкін, які часта наведвае дзяўчат у лякарні.
Раней сваякі пацярпелых казалі, што не будуць падаваць у суд на Алеся Пушкіна, які вінаваты ў тым, што людзі трапілі ў полымя падчас прыгатавання крупніку.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты10
Каментары