У Магілёве чацвёрты год будзе атрымліваць адукацыю па-беларуску адзіная вучаніца
Бацькі Ялінкі Салаўёвай спадзяюцца, што беларускамоўныя аднакласнікі могуць з’явіцца ў яе дачкі налета — у пятым класе.
Адзіная ў Магілёве беларускамоўная вучаніца Ялінка Салаўёва сёлета, як і ў папярэднія тры гады, у класе будзе адна. Бацькі намагаюцца знайсці дачцэ аднакласнікаў, аднак ахвотных вучыццапа-беларуску ў400-тысячным горадзе пакуль не знаходзіцца.
Сёлета Ялінка Салаўёва пойдзе ў чацвёрты клас. Першага верасня ёй уручаць дыпломы за перамогі на алімпіядах па матэматыцы, рускай і беларускай мовах, а таксама па прадмеце «Чалавек і свет». Бацькі ж мантуюць відэаролік са зваротам да магілёўцаў, якія, магчыма, хочуць аддаць дзяцей у клас з беларускай мовай навучання, але ніяк не наважацца. Відэаролік збіраюцца растыражаваць у сацыяльных сетках інтэрнэту.
«У чацвёртым класе мы не маем ніякіх ілюзіяў, што прыйдуць людзі, але ж у пяты, калі пойдзе гаворка, што гэта сярэдняя адукацыя і патрэбныя будуць розныя настаўнікі, то тады, можа, пара чалавек захочуць, каб іх дзеткі вывучалі той ці іншы прадмет больш паглыблена.Будзе больш магчымасцяў, бо менш дзяцей. Мы вырашылі не ісці ў гарадскі аддзел адукацыі, бо гэта як ілбом аб сцяну. Людзі самі павінны зрабіць свой выбар. Мы ж хочам паказаць перавагі», — адзначыла маці вучаніцы Надзея Салаўёва.
Высветліць сёння ў аддзелах адукацыі дзвюх раённых адміністрацый Магілёва, ці ёсць заявы ад бацькоў на навучанне іх дзяцей на беларускай мове, не ўдалося. У прыёмнай аднаго з іх паведамілі, што спецыялістка, якая займаецца такім пытаннем, у адпачынку, а сакратарка другога аддзела сказала, што такіх заяваў, паводле яе звестак, не было.
Тым часам Ялінка Салаўёва чакае сустрэчы са сваёй беларускамоўнай школай і кажа, што каб дзеці прыйшлі ў беларускамоўны клас, «трэба іх запрасіць».
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы6
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары