«У якасці напаўняльніка было сабрана найлепшае беларускае лугавое сена».
Беларускі дызайнер Ягор Ждановіч зрабіў пухавік, напоўнены лугавым сенам. Куртка пашытая з празрыстай плёнкі, таму яе напаўненне цалкам бачнае. У каментарыях дызайнеру раяць запатэнтаваць вынаходку, «каб не скрала Balenciaga».
«Я зрабіў самы танны пухавік у свеце. З натуральнага матэрыялу», — напісаў Ждановіч, паказваючы новую куртку.
«У якасці напаўняльніка было сабрана найлепшае беларускае лугавое сена», — гаворыцца ў апісанні.
Верх курткі зроблены са шчыльнай празрыстай ПВХ-плёнкі, якая добра трымае форму. Паводле дызайнера, пухавік настолькі цвёрды, што можа самастойна «стаяць» на зямлі. Ён мае аб’ёмны сілуэт, металічную фурнітуру і здымны капюшон на маланцы.
Нягледзячы на словы пра «самы танны пухавік», ён каштуе каля $600. Замовіць куртку можна на сайце дызайнера. Тэрмін вырабу — ад 14 да 21 дня.
Ждановіч папярэджвае, што рэч не падыходзіць для штодзённага нашэння і яе нельга мыць у пральнай машыне. Пухавік пазіцыянуецца як арт-аб’ект.
Раней Ягор Ждановіч ужо выпускаў худзі з мяшкоў для бульбы з надпісам «Палессе». Яно каштавала 250 рублёў, калолася, прасвечвала і таксама не прызначалася для штодзённага нашэння.
Яшчэ адным яго бізнэс-праектам быў звычайны камень з Нарачы з гравіроўкай, змешчаны ў дызайнерскую шкатулку. Ждановіч спрабаваў прадаць яго за $2000.
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары