Гомельская міліцыя адмовілася ахоўваць парадак на пікетах партыі «Справядлівы свет»
Гомельская абласная арганізацыя Беларускай партыі левых «Справядлівы свет» планавала правесці 24, 25 і 26 верасня ў Гомелі тры пікеты для данясення ідэй партыі да грамадскасці і абмеркавання
Як паведаміў БелаПАН палітык, з УУС Гомельскага аблвыканкама паступіў адмоўны адказ. Міліцыя матывавала адмову забяспечыць грамадскі парадак тым, што не можа заключыць дагавор «у сувязі з адсутнасцю магчымасці выдзеліць у гэты перыяд неабходную колькасць супрацоўнікаў са складу органаў унутраных спраў».
«Нам хапіла б і аднаго міліцыянера, каб на ўсякі выпадак прысутнічаў на пікеце, які планавалі праводзіць усяго тры чалавекі. Але міліцыя няздольная нават на гэта. За што ж мы плацім падаткі?» — абурыўся Сякерка і заявіў пра намер скардзіцца на адказ з УУС у вышэйшыя органы.
6 жніўня актывісты партыі «Справядлівы свет» планавалі правесці ў Гомелі аналагічны пікет, але гарвыканкам не дазволіў масавае мерапрыемства на той падставе, што ў гэты дзень на заяўленай пляцоўцы каля ДК таварыства глухіх «Віпра» была запланавана рэпетыцыя фестывалю «Сожскі карагод». Сам фестываль пройдзе 14–15 верасня.
Каментары