Лукашэнка: Час вяртацца да практыкі, калі Беларусь адказвала за Калінінград, Піцер, Маскоўскую вобласць, часткова Маскву
Лукашэнка прапанаваў, каб Беларусь зноў адказвала за забеспячэнне таварамі расійскіх рэгіёнаў — мусіла вырабляць і пастаўляць тое, чаго бракавала ў асобных гарадах і рэгіёнах Расіі. Ён пералічыў Калінінград, Пецярбург, Маскоўскую вобласць і часткова Маскву.
Сваю прапанову Лукашэнка агучыў 27 кастрычніка на сустрэчы з губернатарам Пецярбурга Аляксандрам Беглавым, але адрасаваў як прысутнаму на сустрэчы расійскаму паслу Барысу Грызлову.
«Пара вяртацца да савецкай практыкі, калі Беларусь адказвала за Калінінград, Піцер, Маскоўскую вобласць, часткова Маскву», — сказаў ён.
Адносна расійскай сталіцы Лукашэнка зрабіў агаворку: «Яна велізарная, асабліва цяпер, — думаю, што мы наўрад ці справімся з такім гіганцкім аб’ёмам».
Пры гэтым супрацоўнічаць ён прапануе найперш з пералічанымі рэгіёнамі. Што мае на ўвазе пад адказнасцю Беларусі, Лукашэнка патлумачыў так:
«Адказнасць была ў тым, што ўсё, чаго не было ў Ленінградзе і вобласці, асабліва ў Калінінградзе, мы абавязаныя былі вырабіць і паставіць».
Лукашэнка запэўніў, што выканае ўсе дамоўленасці.
«Нашы магчымасці вы цудоўна ведаеце. Будзьце ўпэўненыя: усё, што мы паабяцалі, мы зробім. І ў сферы машынабудавання, і рамонту ліфтаў, харчавання. Усё, што патрэбна Ленінграду і што мы можам, мы мусім гэта зрабіць», — сказаў ён.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну93
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары