Заблукалага ў лесе жыхара Гомельскага раёна 1943 года нараджэння мясцовыя ратавальнікі знайшлі па пояс у балоце.
Па дапамогу ў пошуку пенсіянера 19 верасня ў 18.28 звярнулася аднавяскоўка. Мужчына пайшоў раніцай у чацвер у грыбы ў лес, а ўвечары ператэлефанаваў сыну з мабільніка і паведаміў, што заблукаў каля вёскі Цыкуны.
Пажылы чалавек паспеў сказаць, дзе знаходзіцца, зарыентаваўшыся па апорах ліній электраперадачы.
Неўзабаве тэлефон грыбніка разрадзіўся, і звязацца з ім не ўдавалася.
Да пошуку падключыліся праваахоўныя органы і работнікі МНС. Пасля праходжання каля 15 км лесу ў 21.16 пажылога чалавека знайшлі ратавальнікі ў балоцістым месцы практычна па пояс у вадзе. Мужчына, на шчасце, не пацярпеў і ў шпіталізацыі не меў патрэбу.
Цяпер чытаюць
Вайб-праграмаванне зменіць ролю распрацоўшчыка, RLVR і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 2026
Каментары