У акупаванай частцы Херсонскай вобласці пры ўдары па кавярні загінулі 24 чалавекі
Пажар тушылі ўсю навагоднюю ноч. Хто быў цэллю ўдару — невядома.
Хорлы
У акупаванай частцы Херсонскай вобласці 24 чалавекі загінулі, больш за 50 пацярпелі ў выніку атакі беспілотнікаў на кавярню і гатэль.
«Сёння ўначы праціўнік нанёс мэтанакіраваны ўдар беспілотнікамі па месцы, дзе мірныя жыхары сустракалі Новы год.
Тры беспілотнікі ўдарылі па кавярні і гатэлі на ўзбярэжжы Чорнага мора ў Хорлах.
Паводле папярэдніх звестак, пацярпелі больш за 50 чалавек, 24 чалавекі загінулі. Лічбы ўдакладняюцца… Многія згарэлі жыўцом. Загінула дзіця», — паведаміў акупацыйны «губернатар»-калабарант Уладзімір Сальда.
З ягоных звестак, пажар ліквідавалі толькі пад раніцу.
Украіна пакуль не каментавала сітуацыю.
У загінулай у Сляпянцы дзяўчыне апазналі Яну Кастранкову2
Каментары