Гэта доктар-інфекцыяніст Уладзіслаў Абушэнка, які быў на хатняй хіміі, а таму не ўваходзіў у спіс трампаўскіх «1300 палітвязняў».
«Нашай Ніве» стала вядома імя аднаго з 20 «экстрэмістаў», якіх Аляксандр Лукашэнка памілаваў 30 снежня 2025 года.
Гэта Уладзіслаў Абушэнка. Хлопцу 30 гадоў, ён працуе інфекцыяністам у 25‑й паліклініцы Мінска.
У лютым 2024 года сілавікі апублікавалі відэа з затрыманым Уладзіславам. Прыкладна тады ён і быў арыштаваны — за ўдзел у пратэстах 2020 года. Хутчэй за ўсё, два месяцы да суда Абушэнка правёў у СІЗА. У красавіку 2024 года хлопца адпусцілі дадому, прысудзіўшы хатнюю хімію. Дакладны тэрмін невядомы — гэта маглі быць тыповыя 2‑3 гады. У маі 2024 года прысуд увайшоў у дзеянне.
Калі Абушэнка пачаў адбываць пакаранне прыкладна ў чэрвені 2024 года, то да даты памілавання ён правёў на хатняй хіміі ўжо амаль два гады — больш за паўтара года дома плюс месяцы ў СІЗА, палічаныя двайным каэфіцыентам.
Калі Абушэнку далі два гады хатняй хіміі, то яму заставалася пражыць з абмежаваннямі лічаныя дні. Калі ён атрымаў тры гады — то заставаўся яшчэ год.
Адметна, што Уладзіслаў меў статус «былога палітвязня» — за тыя месяцы, што правёў у СІЗА.
Паводле метадалогіі праваабаронцаў у лік палітвязняў не ўключаюцца тыя, хто знаходзяцца на хатняй хіміі. Так, яны таксама ахвяры палітычнага пераследу, але іх неадкладнае вызваленне з-пад варты не патрабуецца, бо людзі і так знаходзяцца дома.
А вось тых, хто знаходзіцца ў СІЗА, у калоніях і ў турмах, застаецца мінімум 1131 чалавек. Магчыма, ніводзін з іх не трапіў у хвалю памілавання 30 снежня.
«Наша Нiва» — бастыён беларушчыны
ПАДТРЫМАЦЬ-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары