Баскетбалістка зборнай пра пошліну $100: Я ў шоку! Што можна купіць беларускага?
Goals.by зрабіў вялікае інтэрв'ю з абаронцай жаночай баскетбольнай зборнай і мінскага «Гарызонта» Наталляй Ануфрыенка. Была ў інтэрв'ю закранутая тэма і магчымага ўвядзення пошліны ў $100.
- Як табе ініцыятыва збіраць па 100 даляраў з носа за выезд за мяжу?
- Я ў шоку! Тым больш у бліжэйшых планах як раз была паездка ў Польшчу па тэлевізар. Там і дыванкі ёсць класныя:)!
- Дарэчы, на спартсменах можна нядрэнна зарабіць.
- Я зусім не супраць нашых тавараў. Але, прабачце, што можна купіць беларускага?
***
З ініцыятывай ўвесці пошліну ў 100 даляраў для беларусаў, што выязджаюць за мяжу выступіў 6 верасня Аляксандр Лукашэнка. Праз нейкі час яго ідэю горача падтрымалі віцэ-прэм'ер Пётр Пракаповіч і кіраўнік Мінгарвыканкама Мікалай Ладуцька, а таксама алімпійскі чэмпіён Пекіна Андрэй Арамнаў.
У гэтую суботу, 28 верасня, падчас наведвання «Дажынак» у Жлобіне, Лукашэнка крыху перафармуляваў думку.
«Я радзею не пра тое, каб забараніць выезд нашым грамадзянам, я перажываю, што пад $3 млрд валюты вывозіцца штогод з краіны», — сказаў ён.
«Вось ляпнуў сабе на шкоду, напэўна. Хоць я гэтага не баюся», — адзначыў у суботу Лукашэнка. (…) Вы ведаеце, колькі нашыя тарбэшнікі-чалночнікі вывозяць валюты за межы краіны? Памежнікі падлічылі — за $2 млрд. Калі б гэта ў краіне заставалася, то мы б жылі зусім па-іншаму. (…)
Добра, не будзем з цябе браць сто даляраў, але будзеш увозіць шмоткі, як у іншых дзяржавах, заплаціш пошліну. Гэта ж нармальна, цывілізавана».
Малады работнік «Мінск-Арэны» павінен заплаціць 71 мільён даляраў4
Каментары