Cтарцы пры манастыры чытаюць псалом супраць прэзідэнта Украіны Віктара Януковіча, у якім ёсць пажаданні: «Хай бадзяюцца дзеці ягоныя і жабруюць, і просяць хлеба з руінаў сваіх».
Пра гэта заявіла апазіцыйны народны дэпутат Аляксандра Кужэль на прэс-канферэнцыі ў Данецку.
«Ведаеце, да мяне прыязджалі манашкі з манастыра. Яны сказалі страшную рэч, што старцы, якія папярэджвалі Януковіча, каб ён спыніў… Бо для царквы дрэнна, калі людзі становяцца злымі, няма грошай. Яны сказалі, што яны як бы аб'ядналіся і чытаюць 108 Псалом супраць Януковіча. Віктар Фёдаравіч павінен разумець наступствы.
Можна схавацца ад Цімашэнкі, можна заткнуць апазіцыю, але ад Бога схавацца нельга», — сказала народны дэпутат.
Сама Кужэль адзначыла, што яна вельмі веруючы чалавек.
«Я малюся і прашу, каб Цімашэнка была хоць бы адпраўлена на лячэнне, а Украіна падпісала пагадненне аб асацыяцыі [з Еўрасаюзам, чаму супраціўляецца Расія -- НН]», - сказала яна журналістам.
Каментары