Хрысціянства для «чайнікаў». Ісус Хрыстос: Уваскрасенне
Тры абзацы ад уніяцкага святара.
Той факт, што мы ўласнымі намаганнямі не можам асягнуць Бога, пацвярджаецца нашым уласным вопытам. На ўласным вопыце мы пераконваемся, што паміж намі і Ім існуе разрыў. Уласна ён і перашкаджае нам змяніць нават саміх сябе ў лепшы бок.
Гэтым разрывам ёсць грэх. Навука Царквы і Біблія гавораць, што «ўсе зграшылі і пазбаўленыя славы Божай» (Рым. 3:23). Але Госпад уцелавіўся ўласна для таго, каб пераадолець яго. Ісус Хрыстос перамог грэх, калі памёр за кожнага чалавека на Крыжы і ўваскрос.
Сутнасць місіі Ісуса Хрыста, сутнасць хрысціянскай веры можна апісаць адным сказам: «Бо так палюбіў Бог свет, што Сына Свайго Адзінароднага даў, каб кожны, хто верыць у Яго, не памёр, але меў жыццё вечнае» (Ян. 3:16). Dixi.
Бліжэйшым часам будуць вызвалены больш за 150 палітзняволеных39
Каментары