Кіраўнік расійскага «Газпрома» Аляксей Мілер прапанаваў перавесці продаж газу для Украіны на перадаплату ў сувязі з парушэннем гэтай краінай умоў плацяжоў.
Прэм'ер-міністр Расіі Дзмітрый Мядзведзеў падтрымаў прапанову Мілера.
Раней кіраўнік «Газпрома» паведаміў, што ўкраінскі бок не заплаціў за газ, пастаўлены ў жніўні, завінаваціўшы расійскай кампаніі 882 млн даляраў.
«У бліжэйшы час трэба дачакацца рэакцыі ўкраінскіх партнёраў і ў залежнасці ад гэтага абраць адпаведную лінію паводзінаў, калі рэакцыі не будзе, значыць давядзецца пераходзіць на папярэднюю аплату», — сказаў расійскі прэм'ер.
Паводле Мілера, Кіеву была дадзена адтэрміноўка да 1 кастрычніка, аднак гэты тэрмін таксама мінуў.
Каментары