Гэта першае выданьне паэзіі, філязофіі і публіцыстыкі Міколы Ермаловіча.
25 верасьня ў Менску прэзэнтаваная кніга Міколы Ермаловіча з сэрыі «Гукавая кніга па‑беларуску». Гэта першае выданьне паэзіі, філязофіі і публіцыстыкі Міколы Ермаловіча. Аўдыёкніга выдадзеная намаганьнямі грамадзкага аб’яднаньня «Ветэраны адраджэньня», Культурніцкай камісіі партыі БНФ і іншымі ініцыятывамі.
У асяродку навукоўцаў, выкладчыкаў і дэмакратычнай грамадзкасьці Мікола Ермаловіч вядомы як выбітны гісторык. Яму належыць грунтоўная праца па дасьледаваньню гісторыі старажытнай Беларусі, якая зьняпраўджвае многія афіцыйныя дагматы. Аднак у аўдыёвыданьні Мікола Ермаловіч паўстае ў новым абліччы, кажа адзін з выдаўцоў Франак Вячорка:
«У гэтай кнізе сабраныя вядомыя і невядомыя тэксты Міколы Ермаловіча. На жаль, ён ужо нябожчык, але такое адчуваньне, што прадказаў тое, што мы сёньня маем у Беларусі: татальнае прыніжэньне і вынішчэньне ўсяго нацыянальнага не беларускімі сіламі. А таксама раскрыў спосаб змаганьня з гэтым».
Выданьне кнігі Міколы Ермаловіча «Старажытная Беларусь» напрыканцы 1980‑х сталася надзвычайнай падзеяй і паўплывала на сьветапогляд сотняў людзей. Ня меншае ўражаньне здольная зрабіць і аўдыёкніга публіцыста і філёзафа Міколы Ермаловіча, перакананы рэжысэр Валеры Мазынскі:
«Ён пісаў тое, на што не адважыўся, па‑мойму, ніводзін з нашых паэтаў. Ён праўдзіва пісаў пра той час, і для мяне гэта было вялікае адкрыцьцё. Мы кажам, што дысыдэнтаў у нас не было. Вось гэта быў абсалютны дысыдэнт».
У аўдыёкнізе Міколы Ермаловіча Валеры Мазынскі начытвае 7 гадзінаў тэксту аўтара.
Як паведаміў Франк Вячорка, у сэрыі «Гукавая кніга па‑беларуску» выйшлі таксама вершы Максіма Багдановіча, падрыхтаваныя да выданьня творы клясыкаў беларускай і замежнай літаратуры:
«Аўдыёкнігі, пераклады на беларускую мову кінастужак і іншае мы ўкладаем у канцэпцыю нэаадраджэньня. Тое, што рабілася напачатку 1990‑х гадоў, усё гэта патрэбна людзям і сёньня. Менавіта культура, на мой погляд, здольная зьмяніць нашую рэчаіснасьць. А таксама абудзіць грамадзтва да нейкіх пераменаў».
| Іншыя беларускія кніжныя аўдыёнавінкі | |
| 150 пытаньняў пытаньняў і адказаў. Энцыкляпэдыя старая як сьвет. На гэты раз у аўдыёфармаце. Пад адной вокладкай, на адной кружэлцы сабраны ўвесь курс гісторыі Беларусі, ад Рагвалода да сучаснасьці. Ліцэісты — Алесь Вараб’ёў і Ганна Талака — сваімі нясьпелымі галасамі адно за адным задаюць пытаньні, і мажны Сяргей Харэўскі дае слушныя глыбокія адказы. Гісторыя на далоні. Рэч прыдасца школьніку, абітурыенту, студэнту, навукоўцу. Штораз як слухаеш — даведваесься нешта новае. | |
| Джордж Оруэл. 1984. Фэрма. Пераклад Сяргея Шупы. Чытае Валер Будзевіч. Час гучаньня — 19 гадзінаў. Джордж Оруэл — ангельскі пісьменьнік й публіцыст. Вядомы сваімі антыфашыстоўскімі й антыкамуністычнымі перакананьнямі. У сатыры «Фэрма» Оруэл паказаў перараджэньне бальшавіцкіх прынцыпаў і праграмаў падчас і пасьля рэвалюцыі 1917 года. Жывёлы фэрмы «Мэнар» арганізуюць бунт пад споклічамі роўнасьці й справядлівасьці, выганяюць гаспадара‑эксплюататара і бяруць гаспадарку ў свае рукі. Сьвіньні бяруць на сябе адказнасьць за кіраваньне фэрмай. Фэрмай цяпер кіруюць жывёлы, але іх парадкі ці нечым адрозьніваюцца ад людзкіх? Раман 1984 — працягвае тэму «Фэрмы». Оруэл выявіў будучую сусьветную супольнасьць як татальны іерархічны лад, пранізаны страхам і нянавісьцю. Менавіта ў гэтым рамане ўпершыню прагучала знакамітае выслоўе «Вялікі брат глядзіць на цябе», а таксама наватворы «двухдумства» альбо «думзлачынства». | |
| Падрабязьней — на koziel.livejournal.com | |
-
«Мне страшэнна падабаюцца кепскія мужчыны». Святлана Курс распавяла, як пісала сваю першую кнігу
-
«Нішто так не заахвочвае пісаць, як нуда». 50 гадоў таму памерла Агата Крысці. Як пісала гэта геніяльная жанчына?
-
Беларуска палюе на традыцыйныя саматканыя посцілкі ва ўсёй краіне — паглядзіце, колькі экспанатаў яна ўжо выкупіла ў бабуль ФОТЫ
Цяпер чытаюць
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў2
Каментары