Сёння б споўнілася 60 гадоў вялікаму футбалісту Аляксандру Пракапенку
16 лістапада 1953 г. нарадзіўся вядомы беларускі футбаліст, паўабаронца Аляксандр Пракапенка.
Скончыў сярэднюю школу №5 горада Бабруйска. Пачаў гуляць у футбол у 1962-м у Бабруйску ў дзіцячай камандзе, затым у клубнай камандзе «Будаўнік» (Бабруйск) — 1971-72.
У «Дынама» (Мінск) — 1972 (з ліпеня) — 1983 гг.
Стыль гульні: хуткі, спрытны і тэхнічны, знаходзіўся ў пастаянным руху, усе гульнявыя дзеянні выконваў на высокай хуткасці. Добра арыентаваўся на поле, адрозніваўся арыгінальнымі гульнявымі рашэннямі, валодаў прыцэльнымі ўдарамі з абедзвюх ног.
У 1983-м адлічаны з каманды за сістэматычнае парушэнне рэжыму. Нейкі час лячыўся ў ЛПП, гуляў за «Дняпро» ( Магілёў), «Нефтчы» (Баку). У чэмпіянатах СССР (вышэйшая ліга) правёў 168 матчаў, забіў 52 галы.
Увечары 29 сакавіка 1989 г. у рэстаране стала кепска, і Аляксандр памёр. Пахаваны на могілках у вёсцы Токары, Бабруйскі раён.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары