Аляксандра Лукашэнку турбуе некаторая адарванасць планаў урада па развіцці эканомікі на 2014 год ад рэальнага жыцця.
Аб гэтым ён заявіў сёння, заслухоўваючы справаздачу ўрада і Нацбанка аб працы эканомікі за 2013 год, ацэнку вынікаў года і праекты прагнозу, бюджэту і Асноўных напрамкаў грашова-крэдытнай палітыкі на 2014 год.
«Павінен сказаць, што мяне сур'ёзна турбуе некаторая адарванасць цяперашняга праекта прагнозу ад рэальнага жыцця.
Падобна на тое, што толькі сёння прысутныя тут губернатары, міністры кіраўнікі вядучых валаўтваральных прадпрыемстваў пачынаюць высвятляць, якія задачы ім трэба будзе вырашаць у наступным годзе», — сказаў ён.
«Насцярожвае, што ніхто не напружваецца, не пацее і не спрачаецца вакол прагнозных паказчыкаў. І наогул кажучы, гэта нонсэнс.
Звычайна да гэтага часу паступала маса зваротаў з просьбамі і скаргамі. А цяпер — мёртвая цішыня! Няўжо так хутка дамовіліся і маеце адзінае меркаванне на гэты конт?» — адзначыў Лукашэнка.
Каментары