У інтэрнэце з’явіўся запіс песні «Еўрапейская ліберальная» – мінчук Цімур Прахін удзельнічаў з ёй у адборы на Еўрабачанне.
Сама песня расказвае пра жахі сучаснага еўрапейскага жыцця, дзе «забойцы ў Белым доме даюць прэмію за мір», а «садаміты атрымалі адабрэнне ад цэркваў».
Свой выступ на конкурсе Прахін апісвае так: «Пасля праслухоўвання песні, журы апынулася ў шокавым стане. Адразу пасля выканання, мне задалі некалькі пытанняў… Пасля чаго пачалася вострая палеміка паміж членамі журы, нягледзячы на тое, што я яшчэ знаходзіўся на сцэне. Галасы за і супраць падзяліліся пароўну. Аднак адзін з членаў журы вельмі настойліва скандаваў, што песня не для Еўрабачання. У выніку песня так і не прайшла ў фінал конкурсу.
Пазней да мяне падышоў Аляксандр Ціхановіч і красамоўна паціснуў мне руку, таксама ён сёе-тое мне сказаў… Не чакаў. Жыццё поўнае сюрпрызаў».