Уладзімір Пуцін заявіў, што развіццё Сібіры і Далёкага Усходу — нацыянальная прыярытэтная задача на ўсё XXI стагоддзе.
Пра гэта прэзідэнт Расіі расказаў, выступаючы з пасланнем Федэральнаму сходу.
«Гэта наш нацыянальны прыярытэт на ўсё ХХІ стагоддзе», — сказаў Пуцін, адзначыўшы, што «задачы, якія трэба будзе вырашыць, беспрэцэдэнтныя па маштабах».
У прыватнасці, Пуцін прапанаваў стварыць у рэгіёне сетку спецыяльных тэрытарыяльных зон апераджальнага эканамічнага развіцця.У іх межах, па словах кіраўніка Расіі, варта забяспечыць пяцігадовыя падатковыя канікулы — гэта тычыцца падаткаў на прыбытак, здабычу карысных выкапняў, зямлю і маёмасць, а таксама ільготнай стаўкі страхавых унёскаў.«Лічу мэтазгодным распаўсюдзіць гэты рэжым на ўсю Усходнюю Сібір, уключаючы Краснаярскі край і рэспубліку Хакасія», — адзначыў Пуцін. Таксама ён даручыў прэм'еру Дзмітрыю Мядзведзеву ўзяць сітуацыю пад асабісты кантроль.
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары