Брытанскі навукоўца: Радзіма хобітаў — Беларусь
Да такой высновы прыйшоў брытанскі навуковец, які параўнаў клімат, што панаваў у краях «Уладара Пярсцёнкаў», з сапраўднымі зямнымі краінамі.
Доктар Лант, які даследуе творчасць Толкіна, кажа, што клімат Міжзем'я быў вельмі падобны на клімат Заходняй Еўропы і Паўночнай Афрыкі.
Клімат Шыру, у ваколіцах якога жылі хобіты, у тым ліку Більба і Фрода Торбінс, на думку доктара Ланта, найлепш падыходзіць для Беларусі. Навуковец падлічыў, што сярэдняя гадавая тэмпература ў Шыры была каля 7 градусаў па Цэльсіі, а сярэдняя колькасць ападкаў складала 61 см. Праўда, у самой Вялікабрытаніі існуюць падобныя рэгіёны - у графствах Лінкальншыр і Лестэршыр. Таму, на думку Ланта, рэжысёры, якія праводзілі здымку Шыру ў Новай Зеландыі, памыліліся ў сваім выбары.
Сярэдняя тэмпература ў паўночных рэгіёнах Міжзем’я заставалася ніжэй за нуль – як у Паўночнай Еўропе. У сваю чаргу, паўднёвыя раёны Мордар і Харад па клімаце нагадваюць Сахару – там сухое і спякотнае надвор’е, чэзлая расліннасць.
Дарэчы, параза оркаў у баях з людзьмі, эльфамі і гномамі адбылася з-за таго, што яны пакутавалі ад… авітамінозу. Калі б яны маглі толькі зрэдку з'есці пірог з заварным крэмам або салату, або вэнджанага ласося і наведаць хаця б некалькі сеансаў у салярыі, гісторыя для іх скончылася б лепш, лічыць навуковец.
Брытанскі навуковец кажа, што ўсе свае даследваніі ён праводзіў у вольны ад працы час, бо з’яўляецца аматарам творчасці Толкіна.
Цяпер чытаюць
Бабарыка зоймецца бізнэсам — ужо адкрыў кампанію ў Германіі8
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу13
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары