Лукашэнка наведаў на Раство Храм Усіх Святых і падарыў мітрапаліту Паўлу сервіз
Аляксандр Лукашэнка ў свята Раства наведаў Храм-помнік у гонар Усіх Святых у Мінску.
Кіраўнік дзяржавы разам з мітрапалітам Мінскім і Слуцкім Паўлам, Патрыяршым Экзархам усёй Беларусі запаліў калядную свечку ў прыдзеле ў гонар Іаана Хрысціцеля. З нагоды свята яны таксама абмяняліся падарункамі. Аляксандр Лукашэнка падарыў мітрапаліту сервіз з відамі Мінскага Свята-Духава кафедральнага сабора.
У сваю чаргу кіраўнік Беларускай праваслаўнай царквы падарыў Лукашэнку факсімільную копію старажытнага Евангелля.
Выхаванцы нядзельнай школы Усіхсвяцкага прыходу віталі кіраўніка краіны вершамі. Аляксандр Лукашэнка таксама паслухаў калядныя спевы ў выкананні мужчынскага хору гэтага прыходу.
Размова Аляксандра Лукашэнкі з мітрапалітам Паўлам працягнулася за гарбатай.
Да наведвання храма Аляксандр Лукашэнка разам з малодшым сынам Мікалаем усклаў кветкі да помніка Патрыярху Алексію II.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары