Нарвежскі пісьменнік Ю Несбё зоймецца пераводам п'есы Шэкспіра «Макбет» у прозу, паведамляе lenta.ru.
«Макбет — блізкая мне гісторыя, бо закранае тэмы, з якімі я сутыкаюся з тых часоў, як пачаў пісаць», — кажа Несбё. Таксама пісьменнік заявіў, што ён у сваім творы збіраецца аддаць належнае Шэкспіру, а не расказанай ім гісторыі.
«Я вазьму тое, што мне можа спатрэбіцца, і напішу ўласную гісторыю», — сказаў аўтар, дадаўшы, што ў яго «хопіць нахабства назваць яе «Макбет».
Несбё стане адным з аўтараў, якіх запрасілі ўдзельнічаць у праекце The Hogarth Shakespeare выдавецтва The Hogarth. У рамках гэтага праекта некалькі папулярных пісьменнікаў з розных краін напішуць свае версіі некалькіх п'ес драматурга, надаўшы ім сучаснае гучанне і з мэтай прыцягнуць увагу да класікаў.
Ю Несбё атрымаў сусветную вядомасць дзякуючы серыі дэтэктыўных раманаў пра інспектара Хары Холе.
Серыя пачала выходзіць у канцы 1990-х. Кнігі пісьменніка перакладзены на 40 моў і выпускаюцца больш чым у 100 краінах свету. У яго таксама ёсць серыя дзіцячых кніг пра доктара Проктара.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары