Пажар адбыўся ўвечары 14 студзеня ў вёсцы Беражное Столінскага раёна Брэсцкай вобласці.
У доме знаходзілася трое дзяцей — дзяўчынка 2007 нараджэння і двое хлопчыкаў 2008 і 2010 гадоў нараджэння.
26-гадовая маці, пакінуўшы дзяцей без нагляду і замкнуўшы іх звонку, пайшла ў краму.
Сама яна знаходзіцца на сёмым месяцы цяжарнасці. Гаспадара ў хаце ў гэты момант не было.
Яшчэ да прыбыцця пажарных маці сама вынесла дзяцей з дома і перадала дактарам хуткай дапамогі. Двое з іх ужо былі без прытомнасці. Усе дзеці загінулі: старэйшы хлопчык і дзяўчынка памерлі ў раённай бальніцы, самы малодшы — ва ўчастковай бальніцы ў вёсцы.
З верасня 2013 сям'я была на ўліку, бо знаходзілася ў сацыяльна небяспечным стане з прычыны неналежнага выканання бацькоўскіх абавязкаў, а таксама злоўжыванні маці спіртнымі напоямі.
Ратавальнікі-пажарныя яшчэ раз заклікаюць усіх жыхароў разглядаць выпадкі пакідання малалетніх дзяцей без нагляду як надзвычайнае здарэнне.
Грамадзян заклікаюць не быць абыякавымі і паведамляць аб такіх выпадках. Магчыма, гэта выратуе дзіцячыя жыцці.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1919
Каментары