Паводле папярэдніх дадзеных, каля 95% егіпцян падтрымалі новую канстытуцыю на рэферэндуме, які праходзіў два апошнія дні, паведамляе Reuters са спасылкай на МУС краіны.
Яўка пры гэтым перавысіла 55%.
«Браты-мусульмане» заклікалі да байкоту рэферэндуму.
Афіцыйныя вынікі галасавання будуць абвешчаныя праз трое сутак пасля закрыцця выбарчых участкаў.
Агітацыя супраць прыняцця новага асноўнага закона краіны практычна не вялася, адзначаюць назіральнікі, а таму зацвярджэнне на рэферэндуме новай канстытуцыі, падтрыманай вайскоўцамі, было фактычна вырашанай справай яшчэ да галасавання.
У першы дзень галасавання ў сутыкненнях загінулі 10 чалавек. Каля 80 чалавек, якія спрабавалі байкатаваць галасавання, былі арыштаваныя.
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні46
Каментары