Кукабака: «Калі б Лукашэнка стварыў сітуацыю, падобную да ўкраінскай, Беларусь была б у складзе Расіі»
Легендарны савецкі дысідэнт Міхаіл Кукабака лічыць «недапушчальным і абразлівым тое, што кіраўніку беларускай дзяржавы забароненыя візіты на Захад.
«Я знаходжу шмат агульнага паміж Назарбаевым і Лукашэнкам, — кажа ён. — Але Назарбаева, як вы ведаеце, нідзе не ігнаруюць на Захадзе, хоць паводзіны аднолькавыя.
Сутнасць маёй ідэі ў тым, што, калі б Лукашэнка стварыў палітычную сітуацыю хаця б падобную да ўкраінскай, з элементамі дэмакратыі, то, улічваючы, што беларускае насельніцтва ў масе сваёй русіфікавана значна больш, чым ва Украіне, паўстала б маса прарасейскіх груп і партый.
У Беларусі ўтварылася б магутная прарасійская пятая калона. Можна было б рэзка пагоршыць становішча, і насельніцтва дружнымі радамі прагаласавала б за ўваходжанне ў склад Расеі чарговы губерняй.
Глядзіце, Лукашэнка ўсталяваў жорсткі рэжым. І ён нібыта ўзначаліў курс на ўз'яднанне з Расіяй, то бок перахапіў ініцыятыву і ніякіх палітычных партый, скіраваных на гэта, у Беларусі няма. А на самай справе ідзе пастаянная гульня, каб любымі шляхамі захаваць эканоміку Беларусі, захаваць яе незалежнасць. Яго можна крытыкаваць з той пазіцыі, што ён не зусім аптымальнае усё гэта робіць, кіруе эканомікай. Але калі б адразу было, як ва Украіне, Беларусь ужо, напэўна, стала б часткай Расіі.
-
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві
-
Беларускі інтэрнэт пад ботамі: як іх распазнаваць і што з імі робяць
-
Добкін: Шмат гавораць, колькі работнікаў ШІ зробіць непатрэбнымі, але ж колькі новых спраў і прац ён дазволіць стварыць?
Каментары