Прэм'ер-міністр Украіны Мікалай Азараў падаў у адстаўку, паведамляе прэс-служба Кабінета міністраў Украіны.
«З мэтай стварыць дадатковыя магчымасці для грамадска-палітычнага кампрамісу, дзеля мірнага ўрэгулявання канфлікту, прыняў асабістае рашэнне прасіць прэзідэнта прыняць маю адстаўку з пасады прэм'ер-міністра», — гаворыцца ў заяве Азарава.
«Канфліктная сітуацыя ў дзяржаве пагражае эканамічнаму і сацыяльнаму развіццю Украіны, нясе ў сабе пагрозу ўсяму ўкраінскаму грамадству і кожнаму грамадзяніну», — адзначыў ён.
«Урад падчас супрацьстаяння рабіў усё для мірнага вырашэння канфлікту. Мы рабілі і робім усё, каб не дапусціць кровапраліцця, эскалацыі гвалту, парушэння правоў грамадзян. Урад забяспечваў функцыянаванне эканомікі і сістэмы сацыяльнай абароны ў экстрэмальных умовах», — адзначыў ён.
«Аднак вастрыня і небяспека канфлікту для нашых грамадзян, для лёсу Украіны патрабуюць дадатковых адказных крокаў», — дадаў ён.
Пры гэтым Азараў мяркуе, што «прымаў рашэнні і браў на сябе адказнасць у інтарэсах народа Украіны». «І таму магу сумленна глядзець у вочы кожнаму грамадзяніну нашай дзяржавы, кожнаму суайчынніку», — адзначыў ён.
«Сёння самае важнае — захаваць адзінства і цэласнасць Украіны.
Гэта значна важней, чым чые-небудзь асабістыя планы або амбіцыі. Менавіта таму я прыняў гэтае рашэнне», — дадаў ён.
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ29
Каментары