««Камунарка» адмяніла беларускую мову», — з такім лістом у рэдакцыю «НН» звярнуўся чытач Яраслаў Зубрыцкі і даслаў фота абгорткі 100-грамовай шакаладнай пліткі «Любімая Алёнка» ад мінскай кандытарскай фабрыкі. На фота заўважна, што насупраць ідэнтыфікатара «BY» зроблены надпіс па-расійску.
Журналіст «НН» звярнуўся па каментар на «Камунарку».
«Значок «BY» мае на ўвазе адпаведнасць прадукцыі патрабаванням беларускага СТБ, які вызначае характарыстыкі якасці шакаладу. Таму ў адпаведнасці з Канстытуцыяй РБ была выкарыстана адна з дзяржаўных моў, — патлумачыла начальнік аддзела ўпакоўкі прадпрыемства Таццяна Бекіш.
Але,
калі паўстала пытанне наконт наяўнасці беларускай мовы на абгортцы, мы ўнясём змены ў макеты».
У якасці прыкладу Таццяна Бекіш даслала «НН» макет абгорткі шакаладнай пліткі «Любімая Алёнка» вагою 20 грамаў, на якой ёсць тэкст і па-беларуску.
-
«Не запатрабавана». З вядомага кафэ Mon Nom на Трактарным прыбралі беларускамоўнае меню
-
Нейрасеткі ўсё яшчэ спатыкаюцца на беларускім маўленні. Беларусы хочуць падарыць штучнаму інтэлекту ідэальны голас
-
Юнак расказаў, як канспектаваў рускамоўныя лекцыі беларускай лацінкай. Гэта выклікала даміно ўспамінаў з БНТУ, БДТУ і БДУ
Каментары