Гэты тыдзень будзе цёплым, але ў выхадныя пахаладае, паведаміў начальнік службы гідраметэаралагічных прагнозаў Рэспубліканскага гідраметэацэнтра Дзмітрый Рабаў 10 сакавіка падчас відэабрыфінгу.
«Большая частка гэтага тыдня пройдзе пад знакам антыцыклонаў. Краіна будзе знаходзіцца ў полі павышанага атмасфернага ціску. Чакаецца цёплае, спакойнае і без ападкаў надвор'е. У нядзелю пахаладае», — сказаў сіноптык.
У аўторак тэмпература паветра мінімальная ноччу мінус 3 — плюс 3°С, максімальная днём плюс 7—12°С.
У сераду ноччу і раніцай па паўднёвым захадзе слабы туман. Тэмпература паветра мінімальная ноччу мінус 3 — плюс 2°С, максімальная днём плюс 5—11°С.
У чацвер ноччу і раніцай па паўднёвым захадзе слабы туман. Тэмпература паветра мінімальная ноччу мінус 3 — плюс 2°С, максімальная днём плюс 7—12°С, па захадзе да плюс 14°С.
У пятніцу ноччу і раніцай па поўдні слабы туман. Тэмпература паветра мінімальная ноччу мінус 2 — плюс 4°С, максімальная днём плюс 9—15°С.
«У выхадныя надвор'е пачне кардынальна мяняцца: з Паўночнай Атлантыкі змесціцца на Скандынаўскі паўвостраў актыўны цыклон, і праз нашу тэрыторыю будуць праходзіць атмасферныя франты, паўднёвыя вятры зменяцца на паўночныя, узмоцняцца і пахаладае», — зазначыў Рабаў.
У суботу днём пераважна па паўночна-заходняй палове кароткачасовыя дажджы, узмацненне ветру парывамі да 15—20 м/с. Тэмпература паветра мінімальная ноччу мінус 2 — плюс 4°С, максімальная днём ад плюс 5°С па паўночным захадзе да плюс 15°С па паўднёвым усходзе краіны.
У нядзелю на большай частцы тэрыторыі ападкі (мокры снег, дождж), узмацненне ветру парывамі да 15—20 м/с. Тэмпература паветра мінімальная ноччу мінус 3 — плюс 3°С, максімальная днём плюс 2—8°С.
Цяпер чытаюць
«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас11
Каментары