КНДР можа накіраваць у Расію 25000 чалавек на заводы па вытворчасці дронаў
Паўночная Карэя разглядае адпраўку ў Расію да 25000 чалавек для навучання навыкам вытворчасці і кіравання дронамі, паведамляе японская тэлерадыёкампанія NHK са спасылкай на дыпламатычныя крыніцы ў Расіі і на Захадзе. Мяркуецца, што паўночнакарэйцы будуць вучыцца на прадпрыемстве па вытворчасці БПЛА «Герань» у Ялабузе.
Паўночная Карэя хоча дапамагчы Расіі ў вытворчасці дронаў.
На мінулым тыдні кіраўнік Галоўнай управы разведкі Украіны Кірыл Буданаў заявіў, што Расея пачала дапамагаць Паўночнай Карэі асвойваць вытворчасці ўдарных дронаў вялікай далёкасці. Паводле яго слоў, дасягнуты пагадненні аб запуску на тэрыторыі КНДР вытворчасцяў беспілотнікаў тыпаў «гарпіі» і «герань».
Буданаў падкрэсліў, што частка вырабленых у КНДР дронаў можа пастаўляцца назад у Расію для выкарыстання супраць Украіны. Пакуль Расія вырабляе каля 2000 дронаў у месяц і плануе павялічыць аб'ёмы выпуску да 5000 адзінак.
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі42
Каментары