У Беларусі прапануюць забараніць пераходзіць чыгуначныя рэйкі ў навушніках
Мінтранс вынес на грамадскае абмеркаванне праект змяненняў у правілы паводзін на чыгунцы.
Сярод навел для пешаходаў — нельга будзе перамяшчацца праз шляхі на самакатах і сродках персанальнай мабільнасці.
Выключэнне складуць інвалідныя вазкі. Пад забарону таксама могуць трапіць матаблокі, ровары і ролікі.
Пры пераходзе праз чыгуначныя шляхі таксама прапануюць забараніць карыстацца смартфонамі і навушнікамі (акрамя слыхавых апаратаў). Такая ж забарона на навушнікі прадугледжана і для знаходжання на пасажырскай платформе.
Новы дакумент забараняе карыстацца лазернымі паказальнікамі, лавіць рыбу з чыгуначнага моста і ў межах 50 метраў ад яго ў абодва бакі. Прадугледжвае, што пасвіць жывёл могуць толькі асобы старэйшыя за 18 гадоў.
Цяпер чытаюць
У Беларусі множацца пляцоўкі для танцаў на свежым паветры — паглядзіце, як адпальваюць разам моладзь і пенсіянеры ў Серабранцы6
Каментары
Дадаткова забароняць (што важна):
- Пранікаць на агароджаныя тэрыторыі чыгункі, якія не для абслугоўвання людзей - напрыклад, гэта станцыі, акрамя перонаў і пераходаў;
- Хавацца пад пасажырскімі платформамі;
- Пранікаць за агароджу пешаходных мастоў;
- Паліць вогнішчы каля чыгунак;
- Купацца бліжэй за 50 метраў да чыгуначных мастоў.
Увогуле забараняецца рухацца ўздоўж чыгунак (у паласе адводу) "на мотоблоках, мотоциклах, мопедах, велосипедах, самокатах, роликовых коньках, лыжах, другом спортивном инвентаре, а также с использованием средств персональной мобильности (за исключением инвалидных колясок)".