ЗША прынялі рашэнне адмовіць новай уладзе Украіны ў прадастаўленні ваеннай дапамогі. Пра гэта паведаміла ў чацвер газета The Wall Street Journal.
Па словах прадстаўніка амерыканскай адміністрацыі, якога цытуе выданне, нядаўна Кіеў папрасіў Вашынгтон аказаць дапамогу ўкраінскім узброеным сілам, у прыватнасці, паставіць «значныя» партыі зброі і боепрыпасаў, а таксама сродкі сувязі, авіяцыйнае паліва і прыборы начнога бачання. Акрамя таго, Украіна хацела, каб ЗША дзяліліся з ёй разведзвесткамі.
«Аднак амерыканскія ўлады адказалі адмовай», — адзначае The Wall Street Journal.
Выданне адзначае, што Пентагон пагадзіўся накіраваць ва Украіну толькі індывідуальныя харчовыя пайкі, прычым іх пастаўкі пачнуцца ўжо ў бліжэйшыя дні.
«Зараз мы не разглядаем магчымасць прадастаўлення ваеннай дапамогі (Украіне). Мы далі ясна зразумець, што яны павінны разлічваць на эканамічную дапамогу», — прыводзіць газета словы прадстаўніка амерыканскай адміністрацыі.
Між тым суразмоўца The Wall Street Journal не выключыў, што ў будучыні ваенная дапамога ўсё ж можа быць прадастаўлена. «Мы не сказалі ім: «Катэгарычна не». Мы сказалі: «Зараз — не», — заявіла крыніца ва ўрадзе ЗША.
Каментары