Прэзыдэнт Расеі Ўладзімер Пуцін 21 сакавіка падпісаў указ аб утварэньні Крымскай фэдэральнай акругі.
Ад гэтай даты расейскі бок лічыць, што самаабвешчаная Рэспубліка Крым і горад Сэвастопаль прынятыя ў склад Расеі.
Паўнамоцным прадстаўніком Крамля ў новай акрузе прызначаны кіраўнік вайсковага холдынгу «Славянка» Алег Белавенцаў.
Віцэ-адмірал Белавенцаў апошні год займаў пасаду гендырэктара ААТ «Славянка», падкантрольнага Міністэрству абароны Расеі.
Паводле расейскіх СМІ, Белавенцаў уваходзіць у атачэньне міністра абароны Сяргея Шайгу.
Калі Шайгу быў кіраўніком Маскоўскай вобласьці, ён узначальваў кіраўніцтва справамі губэрнатара і абласнога ўраду.
Пуцін падпісаў пагадненьне з самаабвешчанымі ўладамі Крыму аб далучэньні да Расеі на аснове нелегітымнага рэфэрэндуму.
ЭЗ, ЗША і шэраг іншых уплывовых краін сьвету ўвялі эканамічныя і палітычныя санкцыі супраць Крамля за анэксію Крыму.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя6
Каментары