У Мінску на вуліцы Францыска Скарыны ўпершыню пасадзяць трансгенную бульбу
Беларусь у гэтым годзе ўпершыню правядзе палявыя выпрабаванні генетычна мадыфікаванай бульбы, паведаміў дырэктар Інстытута генетыкі і цыталогіі Нацыянальнай акадэміі навук Беларусі Аляксандр Кільчэўскі.
У мінулым годзе беларускую трансгенную бульбу з падвышанай устойлівасцю да хвароб і каларадскага жука высадзілі ў цяпліцах для атрымання насеннага матэрыялу, хаця раней меркавалася высадзіць яго на спецыяльным выпрабавальным палігоне, які быў створаны на базе інстытута.
У гэтым годзе гэтую геннамадыфікаваную культуру ўпершыню змесцяць у адкрыты грунт на біялагічным доследным полі на выпрабавальным палігоне плошчай 0,3 га, які знаходзіцца на вуліцы Францыска Скарыны ў Мінску, дзе для росту трансгенных раслін створаны ўсе неабходныя ўмовы.
Па словах Кільчэўскага, у рамках першых у Беларусі палявых выпрабаванняў навукоўцы вывучаць ўплыў генетычна мадыфікаванай культуры бульбы «на біялагічную разнастайнасць, а таксама магчымасці перадачы трансгенаў навакольным відам раслін».
У той жа час аб камерцыйным выкарыстанні геннамадыфікаваных прадуктаў, у прыватнасці бульбы, можна будзе казаць толькі праз два-тры гады пасля правядзення палявых выпрабаванняў і ўважлівага аналізу.
-
Навукоўцы даказалі марнасць інтэрнэт-спрэчак: ніхто не мяняе думку, а вынікі не рэпрэзентуюць большую частку грамадства
-
ШІ бяссільны перад мастацтвам: вершаваныя запыты змусілі яго расказаць, як ствараць атамныя бомбы і ламаць сайты
-
У Зямлі ёсць хвост, які цягнецца як мінімум на 2 мільёны кіламетраў
Каментары