РІА «Навіны»: На ўсход Украіны прывезлі баявыя аддзелы падаўляць паўстанні
У Данецку, Харкаве і Луганску прарасійскія пратэстоўцы патрабуюць правесці рэферэндумы аб статусе сваіх рэгіёнаў.
Яны захоплівалі дзяржустановы. У Данецку нават аб'явілі «незалежную Данецкую народную рэспубліку». Мясцовая міліцыя паводзіла сябе пасіўна, а цэнтральныя ўлады ў Кіеве заяўлялі, што парадак навядуць без крыві і ахвяраў.
Тым часам РІА «Навіны» паведамляе са спасылкай на крыніцу ва ўкраінскіх праваахоўных органах, што ў Данецкую і Луганскую вобласці «для падаўлення народных паўстанняў» перакінутыя тры баявыя падраздзяленні. Першае адносіцца да ўнутраных войскаў (ва Украіне яны ўжо перайменаваныя на Нацыянальную гвардыю, але расійскія СМІ гэтага, відаць, не ведаюць), другое называецца «падраздзяленнем нацгвардыі, якое складаецца з адборных байцоў «Правага сектару» (хаця агульнавядомы факт, што «Правы сектар» у нацгвардыю не ўступаў). Трэцяе, нібыта, складаецца з наймітаў Blackwater у форме атрада спецпрызначэння МУС Украіны «Сокал».
Перад гэтымі аддзеламі пастаўленая задача «максімальна хутка і жорстка разабрацца з пратэстоўцамі».
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў6
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары