Карач пакуль не вызначылася, ці будзе яна ўдзельнічаць у прэзідэнцкіх выбарах
Лідар грамадзянскай кампаніі «Наш дом» Вольга Карач пакуль не вызначылася, ці будзе яна ўдзельнічаць у прэзідэнцкіх выбарах 2015 года. Аб гэтым яна заявіла 7 красавіка на прэзентацыі эканамічнай праграмы кампаніі «Наш дом».
На пытанне аб сваіх прэзідэнцкіх амбіцыях Вольга Карач адказала: «Гэта пытанне адказнасці. Вось, да прыкладу, «Наш дом» прыходзіць да ўлады — і што адбываецца? Вельмі не хацела б сітуацыі, калі да ўлады прыходзяць дэмакраты і так сябе паводзяць, што людзі, якія выбіралі дэмакратыю, пачынаюць думаць, што пры Лукашэнку было лепш».
«Для мяне пытанне рэформ і пытанне праграм вельмі важнае: ці зможам мы выпрацаваць такія праграмы, якія дазволяць нам узяць адказнасць за каіну? Я змагу адказаць на гэтае пытанне (аб прэзідэнцкіх амбіцыях) «так» ці «не», калі буду ўпэўнена, што «Наш дом» можа такі план рэалізаваць», — заявіла Карач.
Што да эканамічнай праграмы кампаніі «Наш дом», то, як падкрэсліла палітык, «для нас вельмі важна правесці рэформы не злому, а рэформы развіцця».
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе31
Каментары