Маладую завадчанку з «Гарызонта» асудзілі за «садзейнічанне экстрэмізму»
Ангеліна Васільева паспела папрацаваць у Расіі, але вырашыла пераехаць у Мінск і ўладкавалася на завод. У верасні 2025 года дзяўчына знікла з інтэрнэту. Высветлілася, што яе асудзілі за палітыку.
Ангеліна Васільева нарадзілася 19 ліпеня 1992 года ў Амсціславе. У 2018—2019 гадах яна ездзіла на заробкі ў Расію, працавала ў Волхаве і Санкт-Пецярбургу, дзе была супрацоўніцай транспартнай кампаніі.
Апошнім часам Ангеліна жыла ў Мінску, працавала на «Гарызонце». У сацсетках дзяўчына згадвала цяжкі графік: «На заводзе ў мяне 12‑гадзінны працоўны дзень, 6/1». Сваю працу яна называла цяжкай, але сумленнай.
Дзяўчына цікавілася папулярнай псіхалогіяй і чытала адпаведныя кнігі.
Ангеліна знікла з сацсетак напрыканцы верасня 2025 года. Стала вядома, што яе асудзілі ў пачатку 2026 года ў Мінскім гарадскім судзе. Ёй інкрымінавалі часткі 1 і 2 артыкула 361‑4 Крымінальнага кодэкса — «Садзейнічанне экстрэмісцкай дзейнасці». Хутчэй за ўсё, пераслед звязаны са справай Гаюна.
Ангеліне прысудзілі хатнюю хімію. Дакладны тэрмін невядомы.
«Наша Нiва» — бастыён беларушчыны
ПАДТРЫМАЦЬ
Каментары
А вось карнікі сіпатага - міжнародныя злачынцы. І гэта іх чарговае злачынства супраць чалавецтва якое ні мае тэрміну даўніны.
Калі ласка напішыце і размясціце на вашых старонках матэрыял аб Нюрнбергскіх працэсах. Не аб тым, які сусветна вядомы. А аб тых што былі пасля яго. Дзе судзілі гітлераўскіх чыноўнікаў з міністэрства юстыцыі, судзей, пракурораў, начальнікаў лагерэй. Ў Беларусі з карнікаў і звычайных людзей мала хто ведае пра гэта. У падручніках па гісторыі гэта не вывучалі. А есць англамоўная Вікіпедыя на гэту тэму. Есць вельмі моцны фільм ЗША на гэту тэму (англ. Judgment at Nuremberg 1961) зайснованы на рэальных падзеях — «малых» Нюрнбергскіх працэсах. Гэты фільм сення актуальны як ніколі. Жаданна каб яго паглядзеў кожны юрыст. Асабліва суддзя, следчы, пракурор, кат з сістэмы юстыцыі. Гэта гісторыя таго што аднойчы карнікам прыйдзецца несці адказнасць за злачынствы супраць чалавецтва і за не правасудныя суды. І тут "законы карнікаў" не спрацуюць. Адвакаты злачынцаў (судзчў і пракурораў) сколькі не спасылаліся на тое абвінавачаныя ўсяго толькі "выконвалі загад" і "працавалі па закону", але гэта не выратавала злачынцаў. І калі гітлераўскі суддзя што выносіў злачынныя прысуды закрычаў "Ці маглі мы ведаць да чаго гэта ўсе дойдзе"!
Судзя які веў трыбунал яму адказаў: "Спадар суддзя. Вы дайшлі да гэтага ў той момант калі ў першы раз асудзілі на пакаранне не вінаватага чалавека".
***
Нюрнбергскія працэсы па справам злачынстваў супраць чалавечнасці (1946-1949)
***
Вельмі спадзяюся што аднойчы гэтыя суды пройдуць над лукашэнаўскімі карнікамі, следчымі, пракурорамі, суддзямі, начальнікамі і праціўнікамі карнай сістэмы.
Трымайся дзяўчына, яны за ўсё заплацяць