У вёсцы Майсеева Горацкага раёна ў ноч на 8 красавіка адбыўся пажар у жылым доме, дзе тым часам знаходзіўся 52-гадовы мужчына і яго 27-гадовы сын-інвалід, у якога адсутнічалі абедзве ногі.
Як паведамілі ў Магілёўскім абласным упраўленні МНС, інфармацыя пра ўзгаранне ў жылым цагляным доме, абсталяваным аўтаматычным пажарным апавяшчальнікам, паступіла мінулай ноччу каля 0.15.
«Пасля прыезду першага падраздзялення ў доме назіралася моцнае задымленне. Пасля ў пакоі былі знойдзеныя трупы бацькі і сына. Брыгада хуткай медыцынскай дапамогі канстатавала іх смерць», — паведамілі ва ўпраўленні МНС.
Пажарныя мяркуюць, што магчымай прычынай пажару стала неасцярожнасць пры курэнні ў нецвярозым стане аднаго з загінулых.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары