Заяўлена аб хуткім стварэнні «Усходняй Украінскай Федерацыі» ў саюзе з Беларуссю і Расіяй
На поўдні і ўсходзе Украіны можа з'явіцца федэрацыя, якая ўвойдзе ў склад саюзнай дзяржавы Расіі і Беларусі. Пра гэта заявіў адзін з лідараў крымскіх сепаратыстаў Рустам Цеміргаліеў, які называе сябе першым віцэ-прэм'ер-міністрам Крыма.
Адпаведнае паведамленне ён размясціў на сваёй старонцы ў Фэйсбуку.
«Сябры, пачалося вызваленне Паўднёва-Усходняй Украіны! Спадзяюся, што вельмі хутка Луганская, Харкаўская, Данецкая, Днепрапятроўская, Запарожская, Херсонская, Мікалаеўская і Адэская вобласці ўтвораць 20 млн Украінскую Федэрацыю, якая ўвойдзе ў Саюзную дзяржаву Беларусі і Расіі!», — напісаў ён.
Як вядома, у суботу актывізаваліся сепаратысты ў Данецкай вобласці. Яны захапілі некалькі раённых упраўленняў міліцыі, раздалі зброю мітынгоўцам.
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары