Ніякага Рускага маршу ў Менску не будзе, заявіў на прэс-канферэнцыі ў Мінску 6 мая начальнік упраўлення аховы правапарадку Міністэрства ўнутраных спраў Беларусі Іван Кубракоў, паведамляе БелаПАН.
Нагадаем, што ў канцы красавіка з'явілася інфармацыя, што ў дзень Перамогі 9 мая, які сёлета супадае з пачаткам адкрыцця чэмпіянату свету па хакеі, Клуб заўзятараў Russia United плануе на 9 мая ў Мінску Рускі марш.
Пазней кіраўнік клуба Эдуард Латыпаў абверг інфармацыю, зазначыўшы, што клуб накіраваў у Мінгарвыканкам ліст, у якім паведамляецца пра намеры расійскіх фанатаў (а іх прыедзе некалькі тясч) узяць удзел у святочных мерапрыемствах з нагоды Дня Перамогі ў Мінску ў дзень адкрыцця чэмпіянату.
«Зараз абмяркоўваем, як гарманічна зрабіць гэта, — сказаў прэзідэнт клуба. — Ніхто не забараняў і, само сабой, не можа забараніць балельшчыкам уліцца ў калону з мінчанамі».
Каментары