Паводле папярэдніх вынікаў першага тура выбараў прэзідэнта Літвы, прэзідэнт Даля Грыбаўскайце лідзіруе з 45,89 % галасоў, паказваюць звесткі з усіх 2004 выбарчых участкаў краіны.
На другім месцы — кандыдат сацыял -дэмакратаў Зігмантас Бальчыціс з 13,63% галасоў.
Паводле закона, калі ніводны з кандыдатаў у першым туры не атрымаў больш за 50% галасоў, у другі тур выходзяць два кандыдаты, якія набралі больш за ўсё галасоў.
Паводле дадзеных Галоўнай выбарчай камісіі, зусім трохі саступае Бальчыцісу кандыдат Партыі працы Артурас Паўлаўскас з 12,02 % галасоў.
Незалежны кандыдат Нагліс Пуцейкіс набраў 9,33% галасоў, лідар Выбарчай акцыі палякаў Літвы еўрапарламентарый Вальдэмар Тамашэўскі — 8,23 % галасоў, мэр Вільні Артурас Зуокас — 5,22 % галасоў, кандыдат Літоўскага саюза сялян і зялёных мэр горада Ігналіна Броніс Ропе - 4,15 % галасоў.
Грыбаўскайце перамагла ў Каўнасе (61%), Тамашэўскі — у Вісагінасе і Віленскім раёне 52 і 53%).
У выбарчыя спісы ў Літве ў гэтым годзе ўнесена 2,5 млн. чалавек.
На мінулых прэзідэнцкіх выбарах у 2009 годзе Грыбаўскайце была выбрана ў першым туры — яна атрымала 68% галасоў выбаршчыкаў.
Другі тур выбараў прэзідэнта Літвы пройдзе разам з выбарамі ў Еўрапарламент 25 мая.
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай86
Каментары